يعنى أيه وأيه ؟ وفيه مليون سؤال !! والجواب دايماً بيبقى أحتمال !!
كلو بفتى كلو عامل نفسو فاهم والكلام دلوقتى فى أيدين العيال !!
يعنى أيه ثورة شريفه وهى ضد الآحترام ؟ يعنى أيه ثورة حرة وأنت مكتوم اللسان ؟
يعنى أيه ثورة عدالة وأنت حاكم بالآعدام ؟ يعنى أيه تبقى خاين لو مروحتش عالميدان ؟
يعنى أيه ثورة كرامة وأنت بتهين الكبير ؟ يعنى أيه أنتاج وعـجلة وأنت لابد فـى التحرير ؟
يعنى أيه ثورة غلابة والغلابة بئم كتيرررر ؟ يعنى أيه تغير ومن يومها مشفناش أى خير ؟
يعنى أيه تطلب من الشرطة تعاملك بأحترام وأنت حد الغل عندك وصلك للآنتقام؟
يعنى أيه تحرق فى قسم او سفارة أو تقول كلمة فى عبارة وتبقى سافل فى الكلام ؟
يعنى أيه يا مصر يبقى الخسيس هوا الشريف ؟ يعنى أيه يقوللنا عيش والنهارده مفيش رغيف ؟
يعنى أيه أبنك يبيعك بالرخيص علشان ضعيف ؟ يعنى أيه أمريكا تدى ويبقى ده تمويل نظيف ؟
يعنى أيه يتقال شهيد على حد أصلاً بلطجى ؟ يعنى أيه دمه رخيص لو بلبسه العسكرى ؟
يعنى أيه قايمة سوده وقايمة بيضه ؟ يعنى أيه يا مصر يوصل حالك أنك تبقى ماشيه بتعرجى ؟
يعنى أيه اللى غنوا ويامه هتفوا وقالو ليه ؟ هما هما اللى قالو عنوا وأتجنو عليه !!
واللى عاشو وأستفادو قالو ملناش دعوه بيه ؟ والغلابة الطيبين اللى عرفوا قمته أيه ؟
يعنى أيه يا مصر اللى حماكى يتحط فى قفص ؟ واللى خانك واللى باعك من شماته قام رقص !!
يعنى أيه الحق صوته كل مادا بيتخرص ؟ مستحيل أن اللى حافظ عالآمانه هوا نفسه اللى
أنتى عوزاه يتحبس
يعنى أيه وأيه ؟ وفيه مليون سؤال !! والجواب دايماً بيبقى أحتمال !!
كلو بفتى كلو عامل نفسو فاهم والكلام دلوقتى فى أيدين العيال !!
عاصـــم أبـــو الــــخير
